Мен Наркез ҚХР-нан келдім, қазіргі уақытта Асфендияров атындағы Медицина Университетінде 5 курста оқимын. «Алтын дән» ҚҚнда екі жылдан бері орыс тілін үйреніп келемін. Осы Қордың және ұстаздардың арқасында орыс тілін жақсы меңгердім. «Алтын дәннің» басқалардан ерекшелігі, бұл жерде ұстаздар жылы жүзбен, мейіріммен қарап, әрқашан қол үшін береді. Сабактан тыс кезде барса да, қуана қарсы алып, сабақты түсіндіруден жалықпайды. Бұл жерде ағылшын, орыс, қытай тілі курстарынан клубтар ұйымдастырылып турады, кейде психологиялық кеңестер өткізіледі. Сонымен қатар, интернет клубы бар. Кез келген уақытта сабаққа қажетті жаңа мағлұматтар алуға болады. Қордағы студенттерге бір-бірімен танысып, жаңа достар табуына мүмкіндік бар. Жиналып табиғатқа шығатын кездеріміз де болды. «Алтын дәнде» әр-түрлі тілдерді меңгеріп, рухани азық алдым.
Өз атымнан «Алтын бидай» қорына зор алғысымды білдіремін. Еңбектеріңіз жана берсін. Көркендей беріңіздер!